Сенат спикері Мәулен Әшімбаев жаңа Конституция күні туралы: бұл мереке 15 наурыз болуы мүмкін екенін айтты, деп хабарлайды QazMonitor «Курсив» басылымына сілтеме жасай отырып.
Ол сенаттағы брифингте жаңа Конституцияның өту кезеңдері туралы мәлімет беріп, мерекенің Конституция қабылданған күні тойланатынын атап өтті.
«Өту кезеңдері бойынша Конституцияны қабылдау күні мен оның күшіне ену күні әртүрлі. Мереке – дәл қабылдау күніне сәйкес белгіленеді», – деді Мәулен Әшімбаев.
Айта кетейік, жаңартылған Конституция 2026 жылдың 1 шілдесінен күшіне енуі мүмкін. Егер жаңа Конституция жобасы халық тарапынан қолдау тапса, Қазақстанда жаңа мереке – Конституция күні пайда болады.
