2026 жылғы сәуірде Enbek.kz электрондық еңбек биржасында жұмыс берушілер 104,7 мың бос жұмыс орнын жариялады, ал жұмыс іздеушілер 123,3 мың түйіндеме орналастырды. Наурызбен салыстырғанда бос жұмыс орындары 2,1%-ға, түйіндемелер 15,1%-ға артқан.
Ең жоғары сұраныс – білім беру саласында
Салалық құрылым бойынша кадрларға ең көп сұраныс білім беру саласында тіркелді – 20,2 мың бос жұмыс орны. Одан кейін:
өзге қызмет көрсету салалары – 15,5 мың
ауыл, орман және балық шаруашылығы – 10,7 мың
өңдеу өнеркәсібі – 9,5 мың
денсаулық сақтау және халыққа әлеуметтік қызмет көрсету – 9,4 мың
Бос жұмыс орындары ірі қалаларда шоғырланған
Өңірлер бойынша ең көп бос жұмыс орындары:
Астана – 8,5 мың
Павлодар облысы – 7,2 мың
Алматы – 6,7 мың
Ақмола облысы – 6,6 мың
Қарағанды облысы – 6,4 мың
Орта білікті мамандарға сұраныс басым
Біліктілік деңгейі бойынша құрылым:
46% – орта білікті мамандар
27% – жоғары білікті мамандар
27% – төмен білікті мамандар
Жұмыс іздеушілер құрылымы да осы үрдіске сәйкес келеді: 42% – орта біліктілік, 31% – жоғары біліктілік, 27% – төмен біліктілік.
Ең жоғары жалақы көрсеткіші – ұшқыш мамандығы
Сәуір айында ең жоғары жалақы көрсеткіші ұшқыш мамандығында тіркелді: жұмыс берушілер шамамен 1,9 млн теңге ұсынса, жұмыс іздеушілердің күткен жалақысы 3,9 млн теңгеге жеткен.
Жоғары жалақы ұсынылған басқа бос жұмыс орындары:
бағдарламалық қамтамасыз ету сәулетшісі – ~1,7 млн теңге
жабдықтарды сынау жөніндегі басшы – ~1,6 млн теңге
Ал ең жоғары жалақы күтетін үміткерлер арасында:
бортсеріктер – ~2,1 млн теңге
жақ-бет хирургі – ~2 млн теңге
Жыл басынан бері 900 мыңға жуық жарияланым тіркелген
2026 жылдың басынан бері Enbek.kz платформасында 409 мың бос жұмыс орны және 517,7 мың түйіндеме жарияланған.
