Астанада Н. Тілендиев даңғылының Баршын көшесінен көлік жолайрығына дейінгі бөлігінде жол төсемін жөндеу жұмыстары жүргізіледі. Осыған байланысты 22–26 шілде аралығында аталған учаскеде көлік қозғалысына уақытша ішінара шектеу енгізіледі, деп хабарлайды QazMonitor Астана әкімдігіне сілтеме жасап.
Қала әкімдігінің мәліметінше, Астанаға кіру бұрынғы тәртіппен жүзеге асырылады. Ал қаладан шығатын көлік қозғалысы уақытша жол қозғалысы сызбасына сәйкес ұйымдастырылады.
Жүргізушілерге қозғалыс бағытын алдын ала жоспарлап, уақытша орнатылған жол белгілерінің талаптарын қатаң сақтау ұсынылды.
