Жаңартылған QR-кодтар арқылы азаматтар нақты уақыт режимінде құқыққа қайшы әрекеттер, сыбайлас жемқорлық көріністері немесе полиция қызметкерлерінің лауазымдық өкілеттігін асыра пайдалану фактілері туралы хабарлай алады. Бұл туралы polisia.kz сайтына сілтеме жасай отырып QazMonitor хабарлайды.
QR-код арқылы сілтемеге өткен өтініш беруші автоматты түрде WhatsApp мессенджеріндегі арнайы чатқа қосылады. Онда анықталған заң бұзушылықтар жөнінде ақпарат жолдауға болады. Халыққа қолайлы болу мақсатында QR-кодтар патрульдік полицияның барлық қызметтік автокөліктеріне, учаскелік полиция пункттеріне және ішкі істер органдарының әкімшілік ғимараттарына орналастырылған.
Айта кетейік, жыл басынан бері елімізде полиция қызметіне деген қоғамдық сенімді арттыру, сондай-ақ құқық қорғау органдары жұмысының ашықтығы, жауапкершілігі мен айқындығын қамтамасыз етуге бағытталған «Адал полицей» акциясы жүзеге асырылып келеді.
