Италияда өтіп жатқан XXV қысқы Олимпиада ойындарында фристайл-могулдан әйелдер арасындағы екінші іріктеу кезеңінің қорытындысы бойынша Қазақстан құрамасының үш спортшысы финалға шықты, деп хабарлайды QazMonitor.
Пхенчхан Олимпиадасының қола жүлдегері Юлия Галышева 73.08 ұпай жинап, 5-орынға тұрақтады. Анастасия Городко 71.52 ұпаймен 7-сатыдан көрінді. Ал Аяулым Әмренова 68.98 ұпай еншілеп, үздік ондықты түйіндеді.
Осылайша, қазақстандық үш фристайлшы да финалдық кезеңге жолдама алды. Шешуші жарыс Астана уақытымен 18:15-те басталады.
