XXV Қысқы Олимпиада ойындарына Қазақстан ұлттық құрамасының атынан шамамен 35 спортшы қатысады деп күтілуде.
Қазақстандық спортшылар Олимпиадада 10 спорт түрі бойынша өнер көрсетеді. Атап айтқанда, биатлон, конькимен жүгіру, мәнерлеп сырғанау, шорт-трек, тау шаңғысы, шаңғы қоссайысы, шаңғы жарыстары, шаңғымен трамплиннен секіру, фристайл-могул және фристайл-акробатика бағдарламаларына қатысады.
Қазіргі таңда Қазақстан қоржынында мәнерлеп сырғанаудан екі жеке ресми Олимпиада лицензиясы бар. Сонымен қатар, шорт-тректен 9, ал конькимен жүгіруден 12 Олимпиада лицензиясына қол жеткізілді.
Айта кетейік, 2022 жылы Бейжіңде өткен қысқы Олимпиада ойындарында еліміздің намысын 34 спортшы қорғаған болатын.
