Қазақстан Республикасының Ауыл шаруашылығы министрі 2025 жылғы 5 желтоқсандағы №447 бұйрықпен елімізге үшінші елдерден және Еуразиялық экономикалық одаққа мүше мемлекеттерден тауық жұмыртқаларын (СЭҚ ТН 040721) барлық көлік түрімен әкелуге бір ай мерзімге уақытша тыйым салды.
Тыйым салу шарасы импортқа ғана қатысты. Қазақстан аумағы арқылы тауық жұмыртқаларының транзитіне, сондай-ақ ЕАЭО-ға мүше бір елден екінші елге Қазақстан аумағы арқылы тасымалдауға шектеу қойылмайды.
Министрлік бұл шара отандық жұмыртқа өндірушілерін қолдау және ішкі нарықтағы жағдайды тұрақтандыру мақсатында енгізілгенін хабарлады.
Дереккөз: ҚР АШМ
